انا احب اقول موقف حصل معايا من يومين
و انا مروحة من الكلية كنت عايزة اناااااااام و خلاص مش قادرة افتح عنيا
المهم ركبت العربية و قعدت في الكرسي اللي قدام جنب السواق و الكرسي كبير و مريح
و انا اصلا مش باينة منه
و حاولت على أد ما اقدر اني اكون مصحصحة
لكن لالالا حياة لمن تنادي .. و المحاولة كانت فاشلة طبعا
و محصلتش لحد كلية الهندسة و كنت في سابع نومة
فين و فين على ما صحيت كنا في بلدنا بس عدينا بيتنا بشوية
فوقت و صحيت مفتحة عين و مقفلة التانية و الله أعلم كان شكلي ايه
و بقول للسواق مش احنا في صناديد
قاللي اه
قلتله دا بيتنا عدى ،، فراح موقف عشان انزل
و انا بكل روقان قلتله
لالالا كمل طريقك و صحيني لما نرجع
حسيت ان الراجل كان هيتشل مني
بس اعمل ايه كسلت اقوم امشي كل دا
و روحنا طنطا و اخدت العربية اللي راجعة تاني و كملت نوم فيها
ـــــــــــــــــــــــــــــــــــــــ
الجمعة فبراير 27, 2009 11:01 pm من طرف THE PHANTOM
وفيها الفرح 
.......