امتحان السفارة المصرية للحصول على الجنسية

mufic _student المساهمات : 75 تاريخ التسجيل : 13/11/2008

امتحان السفارة المصرية للحصول عل الجنسية

صباح الفل حبايبي الأعزاء يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة) في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
السؤال الأول:اختار من بين الأقواس الكلام الصح
1- حنان ترك اتحجبت يعني........... (لبست جزمة - لبست ساعة - لبست ايشارب)
2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)
3- اللي بنى مصر كان في الأصل......( حلاق - نجار - تاجر مخدرات - صلاح - حلواني)
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - يا ريس - يا مصر ) - بص في ورقتك يا حيواااان!
5 - مصر هى أمي نيلها جوا...........(عبي - بطني - رجلي - جيبي - دمي )
6- رئيس مصر القادم السيد......(جمال مبارك - جمال مبارك – و حياة أمك جمال مبارك - كل ما سبق )

السؤال الثاني:أكمل الجمل الآتية بكلام م الآخر

1- انتبه من فضلك السيارة ترجع إلى............ ......... ...
2- ماما زمنها............ ......
3- من خلال تجاربك السابقة...البامبرز استيك منه............ .
4- طلعت أدّب نزلت أدّب لقيت الدب بيأزز............
5- اسم والد اللاعب وائل جمعة الحاج............ ..
- و لو بتشجع أي فرقة من الفرق الأجنبية 'ريال مدريد ولا برشلونة ' وحياة أمك ما إنت واخد أم الجنسية

السؤال الثالث:ضع علامة صح أو علامة غلط أمام الكلام الجاي
1- بابا فين؟؟ .بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- أذان المغرب في رمضان بصوت طارق نور ( ) - صح يا أهبل ، كل حاجة في رمضان بصوت طارق نور
4- شاي الجوهرة حتة سكرة ( )
5- يحكم مصر النظام الملكي ( )

مع تمنياتنا بقضاء وقت سعيد(لكل اهبل نفسه ياخده الجنسيه المصريه)

هههههههههههههههههههههههههههههههه
انا منزلة موضوع زيه قبل كدة

و كنت هحذف دا عشان مكرر

بس انت عندك أسئلة و تعليقات مش عندي

و انا كمان عندي حاجات مش هنا

فمشكووووووووووووووور و الموضوع ميعتبرش مكرر

mufic _student المساهمات : 75 تاريخ التسجيل : 13/11/2008

مشكورة على الرد الجميل ده وارجو اضافة موضوعك
kimoooooooooooooooo

mufic _student المساهمات : 69 تاريخ التسجيل : 18/08/2008

الجنسية المصرية ارخص من ان يتعملها امتحان
ما هي صلاحيات الجنسية المصرية مقارنة باي جنسية خليها عربية بلاش اوروبية؟؟؟؟؟؟؟؟؟؟؟؟؟؟؟؟
الاجابة ولاحاجة .
في مكان برة مجرد انك تتعرف انك مصري ما شاء الله يقوموا معاك باحلى واجب

الجنسيه المصريه
مصر عندى اغلى من نفسى
لا تعليق