بسم الله الرحمن الرحيم
الموضوع كله بأذن الله بيرتكز على فكرة العروض التقديمية بمعنى عرض فكرتك قدام اكتر من شخص
انا طبعا مش هينفع اتكلم فى المادة اللى هتعرضها دى عليكم انتوا بقى اللى بتحضروها لكن هوضحلكم ان شاء الله افضل الاوضاع اللى تقدروا تقنعوا بيها الجمهمر اللى قدامكم
الوضع الافضل فى القاء العروض التقديمية:
1-مفيش فرق كبير بين انك تقف(ى) اوتتحرك يمينا ويسارا وانت(ى) بتلقى العرض.
2-لو فضلت(ى) تقف(ى) مكانك يبقى تحرص(ى) على مباعدة القدمين عن بعض بفارق بسيط والاحتفاظ بالجسد فى وضع قائم فى مواجهة الجمهور.
3-تأكد(ى) انك فى مكان واضح للجمهور.
4-وضع الثبات والارتكاز على قدم واحده بيعكس للجمهور شعورك بالملل.
5-الارتكاز على المنضده المخصصة للعرض بيعكس شعورك بالارهاق والتعب.
6-الجلوس على المنضده يعكس انطباعك عن عدم الرغبه فى القاء العرض كما لو كان الامر لايعنيك.
7-وضع الوقوف بثبات ووضع اليدين خلف الظهر بيبدو وضع رسمى جدا ونمطى لدرجة المبالغه
وهيزيد الفجوة بينك وبين جمهورك.
8-وضع اليدين فى جيب السترة بيعطى شعورا باللامبالاة ولو حصل ونسيت(ى) ووحطيت(ى) ايديك تخرجها بشكل عادى جدا فى اللحظه المناسبه بمعنى انك تستخدمها فى الاشارة مثلا.
9-فرك الايدى مع بعضهما يعكس شعورك بالقلق والاضطراب.
مدلول حركه الايدى:
افضل اسلوب لاستخدام الايدى انك تتصرف(ى) كما لو كنت(ى) فى محتدثة عادية جدا ولكن طبعا فى حدود لو انت(ى) بتبالغ(ى) فى استخدام ايديك كتير قلل(ى) منها ، اهم شئ بقى انك لو بتستخدم(ى) ايديك(ى) كتير اتأكد(ى) من ان اشاراتك تتلائم مع حجم الجمهور اللى قدامك. لو الجمهور كتير يبقى هيتطلب المزيد من حركات اليد.
مدلول نظرة العين:
مفيش شك ان التواصل بالعين من اكثر سبل التقارب بين الاشخاص ، فاحرصوا ان تلتقى عينيكم بالجمهور اللى قدامكم وان تنظر بمواجهتهم على فترات(aura effect)
والنظرة للشخص متبقاش اطول من 5ثوانى ويكون اختيارك للاشخاص عشوائى. لان مش من الضرورى انى ابصلهم كلهم لان ممكن مجال رؤيتك يتسع فيشمل عدد اكبر من الافراد.
خلاصة القول انك هتحتاج(ى) فى جميع الاحوال الحفاظ على التفاعل البصرى بينك وبين الجمهور.
اهم مقومات نجاح عرضك التقديمى:
1-فهم الجمهور واحتياجاته.
2-البساطه والبعد عن التعقيد.
3-الالتزام بالفكرة ووضوحها.
4- الثقه بالرساله اللى المطلوب عرضها.
ارجو من الله انى اكون وفقت فى توضيح الموضوع وياريت كل واحد قرأ الموضوع يحط تقييم ليه.
لا اله الا الله محمد رسول الله