مصر......... ندالة أهلها

ندالة أهلها

ميت ألف فرصه عشان أسيب مصر

ولا عمري سبتها
علشان هى دى بلدي اللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر بحب
زيفها وأصلها
بحب فيها طلعه الشمس
تنور وشها
بحب فيها القمر طالع
يغازل حسنها
بحب فيها المشي علي شط
نيلها وبحرها
بحب فيها بناتها
راسمين ملامح شعبها
دي بنت مايصه وحاطه
ورده فـ شعرها
ودي بنت جد ونازله
جري لشغلها
هتلاقي فين بلد
فيها الكنايس والجوامع
بتحضن بعضها
مسلم مسيحي إخوات
راضعين سوى طيبة من صدرها
نبع الحنان ويناموا حاضنين
أرضها
هتلاقي فين تاني بلد
كل اللى فيها يغريك تزيد فى حبها
هتقولي ظالمه هقولك
برضو بحبها
هتقولي ضالمه
مهو ده سواد لون شعرها
هتقولي زحمه هقولك
علشان بنعشق أرضها
هتقولي فيها فساد
هقولك مهو ده من طيبه شعبها
جرب كده تسهر ولو لوحدك
علي ضف نيلها وحبها
جرب تشوف بنت حلوه
مع شاب واقف جمبها
بيحبها شايل في قلبه
هموم الدنيا كلها
وبرضو بيحبها
جرب كده تاكل دره وترمس
علي شطها
وتشوف وشوش الناس
وإضحك زيها
طب وإنت ماشي لوحدك
وصادفت أى مشكله
مش بس واحد لأ هتلاقي ألف واحد
يعرض حلها
لا تعرفهم ولا يعرفوك
بس جمعكم حبها
اهي هي دي مصر
زاحمه ظالمه
فاسده ضالمه مش مهم
ده كفايه خفت دمها
هأفضل لمصر أقول وأعيد
أنا أصلي عاشق أرضها

وطبعا ده كله كلام في الهوا
أنا لما جتني نص فرصة بس قولتها
بالسلامه يا مصر
ومش عايز أشوف وشها
وهي دي بقى ندالة أهلها

لأ يا أبن عمى ده كان هزار

والله بعشق أرضها

ده أنا غصب عنى سبتها

وبكره جاى بأذن ربى وهرجعلها

وأعيش وأموت أضحك وأبكى

مع أهلها

مهو هما دول أكتر حاجة بحبها

نقولها تانى

الجدعنة وخفة دم أهلها

منقوووووووووووووووول

ايه رايكم فى المصريين

لو لم اكن مصريا لوددت ان اكون مصريا

تسلم يا محمود
جامده والله

ميرسى على الموضوع بجد يا بشمهندس وبرده العنوان حلو جدا ويشد فعلا للدخول للموضوع

موضوع جامد يا حوده شكرا يا باشا

I like Egypt

بحبها

و في قلبي ساكن حبها

يا ريت يا شوق

توصلها

و يحس بيا قلبها

بحبها

بحبها

بحبك يا مصر